THE BLOG

Ila Khalanwaha Yo Swika

A zwi anzeli uwanala hezwi, zwine mutambi a nekedzwa hedzi pfufho dzothe nga nwaha muthihi na hone kha filimu nthihi yawe ya utou thoma.

17/02/2017 04:59 SAST | Updated 17/02/2017 09:47 SAST
Frazer Harrison/ WireImage
LOS ANGELES, CA - JUNE 13: (L-R) Actor OC Ukeje, producer Terry Pheto, director Sara Blecher and actors Fulu Moguvhani and Thomas Gumede attend the "Ayanda and the Mechanic" screening.

Ndi maduvha asigathi uri vha nangiwa vha pfufho dza South African Film & Television Awards (SAFTAs) vha divhadziwe kha lushaka lwothe nga nwedzi wa luhuhi duvha ndi fumi rathi la nwaha wa gidi fu mbili sumbe. Arali wanga tou lavhelesa kha sia la zwa dzi filimu fhano Afrika Tshipembe, nwaha wa 2016 wovha wa vhudi vhukuma kha mutambi a bvaho fhano, Venda, ha tshikamuroho, Fulufhelo Mugovhani. O vha ene mutambi makone wa nwaha wa 2016 uya nga ha dzi filimu "dzo bvaho Afrika tshipembe dza dovha dza sumbedzwa na kha mashango davha zwine zwavha zwithu zwa vhu thogwa vhukuma.

Mugovhani ofhiwa heyi pfufho kha filimu yawe ya uto thoma, "Ayanda", yo bveledzwaho nga mutambi wa maimo ane vhanzhi vha mudivhela filimu ya "Tsotsi", Terry Pheto. "Ayanda" yo vha filimu yeya rangiwa phanda nga Sara Blecher ane a vha mudivhalea khala fhano Afrika Tshipembe, Blecher o bveledza filimu dzingaho "Otelo Burning" dzine dzo no wina pfufho nnzhi vhukuma kha dzi ndowe ndowe dzo fhambanaho.

"Ayanda" yo dovha ya vha filimu ine yo nangiwa nga Mubveledzi makone wa Amerika vho Ava DuVernay ("Selma"), nga kha tshiimiswa tshavho tsha u thusa vhanwe vha bveledzi vha dzi filimu kha lushaka lwa vharema. Vho do nanga yone na dzinwe, hezwi zwo sia Mugovhani a mutambi muhulwane vhukuma ane a vhambedzwa na vhatambi vha shango lothe. U nangiwa nga DuVernay zwo ita uri i sumbedziwe kha Netflix zwine zwavha zwa vhuthogwa ngauri muthu munwe na munwe uya kona u lavhelesa kha internet.

A zwi anzeli uwanala hezwi, zwine mutambi a nekedzwa hedzi pfufho dzothe nga nwaha muthihi na hone kha filimu nthihi yawe ya utou thoma.

Mugovhani o dovha hafhu a nekedzwa pfufho ya mutamabi makone nga vha dzangano la Africa International Film Festival ( AFRIFF) na la African Movie Academy Awards (AMAA) zwine zwa muita mutambi makone kha dzhango la AFRIKA nga nwaha wa 2016. A zwi anzeli uwanala hezwi, zwine mutambi a nekedzwa hedzi pfufho dzothe nga nwaha muthihi na hone kha filimu nthihi yawe ya utou thoma. Ndi zwithu zwi takadzaho vhukuma na hone zwi vhea VhaVenda na Afrika Tshipembe lothe kha maimo a ntha.

Zwi risia rikhoto lavhelesa zwine zwa khou tevhela kha uno nwaha. Mugovhani ndi mutambi ane ri tea u muvhona a khou aluwa vhukuma ufhirisa hafha, ri mutamela mashudu mavhuya na hone ro lavhelesa uri ndi nnyi ane ado dzhia tshikhala tshawe uno nwaha sa izwi filimu dzisi gathi dzo bveledzwa na hone vhunzhi hadzo adzina vharema. Rido Vhona vhege idaho!

(Duvha la dzipfufho (SAFTA) ndi dzi16 -18 dza nwedzi udaho. Vho nangiwaho vho divhadziwa mulovha. - Blogs editor)